Тоа што во последниот период се најавуваше, денеска доби и официјална потврда, Европското првенство се одложува и ќе се игра наредната година.

Оваа информација ја објави Фудбалската федерација на Норвершка, а официјалната одлука УЕФА ќе ја соопшти нешто подоцна, кога ќе завршат сите предвидени состаноци.

UEFA har bestemt at EM utsettes til 2021. Det skal spilles fra 11. juni til 11. juli neste år. Mer informasjon kommer.

— NorgesFotballforbund (@nff_info) March 17, 2020

Евро 2020 требаше да се игра од 12 јуни до 12 јули годинава и тоа во 12 европски градови, а новиот термин е 11 јуни-11 јули 2021 година, но УЕФА треба да донесе одлука дали исто така ќе се игра во 12 градови.

Со ваквата одлука се отвора можноста сите национални првенства да се доиграт, но УЕФА бара тие да завршат најдоцна до 28 јуни, а доколку стивне пандемијата на коронавирусот, тогаш финалето од Лигата на шампионите би се играло на 30 јуни.