Ева Соколовска (9) се закити со златен медал на натпреварот по ритмичка гимнастика што се одржа во германскиот град Боркен.

На овој турнир Ева се натпреварува трета година по ред, и трет пат во нејзината класа го освојува првото место.

Македонското девојче веќе неколку години реди успеси во Германија. Досега имала 14 натпревари на републичко ниво и на сите го освојувала првото место.

За десет дена ја очекува уште еден турнир и според прогнозите, но и според нејзиниот талент се очекува повторно да биде на врвот.

По потекло од Скопје, но со нејзините родители и сестра и Илина, која исто така е гимнастичарка, живее во градот Белефилд во Германија. На натпреварот ја бодреше сестра и Илина, која веќе се натпреварува во бундес лигата.