Актерката Ева Мендес (50) вели дека, иако никогаш не го замислувала својот живот, таа денеска живее по свој ритам и дека никогаш не била посреќна.

„Не подлегнувам на притисокот на општеството. Што сакам да правам – правам“, изјави таа за „Пипл“, која ги има ќерките Есмералда Амада (9) и Амада Ли (8) со актерот Рајан Гослинг (43).

„Сигурно не замислував дека ќе имам деца и дека ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи“, открила актерката.

Пред десет години, Мендес ја напушти актерската кариера за да се фокусира на своите деца. Таа вели дека тоа била „најлесната одлука“ што ја донела.

„Кога забременив на 40-годишна возраст, тоа им делуваше страшно на другите. Кога повторно забременив на 42-годишна возраст, луѓето ми велеа: ‘О Боже мој, ќе бидеш толку уморна’, мислејќи на потребата да се има деца во 20-тите“, откри таа.

„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти – пиев и пушев. Дефинитивно, не можев да растам деца во кое било друго време од мојот живот освен сега“, додава актерката.

Една од најубавите жени на светот истакнува дека е „среќна што испаднало така“.