Денеска во својот прв натпревар од новата сезона во најдобрата македонска ракометна Супер лига актуелниот шампион Еурофарм Пелистер на гости со 29:20 триумфираше над Бутел Скопје.

После првото полувреме играчите на тренерот Рубен Гарабаја имаа предност од 16:10. За тимот од Битола прв стрелец беше Петар Атанасијевиќ со 10 голови, а Мирче Калајџиоски реализираше четири.

На спротивната страна по четири погодоци запишаа Дејан Михајловиќ и Димитар Узунчев.

Овој меч беше и како подготовка за двете екипи кои ќе ја претставуваат нашата земја на меѓународната сцена.

Во среда на 10 септември од 20.45 часот Еурофарм Пелистер ќе го игра првиот натпревар од овогодинешната ЕХФ Лига на шампиони и тоа на домашен терен, во салата “Боро Чурлевски” против РК Загреб од Хрватска.

На 6 септември (сабота) на гости во Луксембург составот на Бутел Скопје ќе го игра првиот меч од првото коло во ЕХФ Европскиот куп против Дуделанж од 18.00 часот.