Екипата на Еурофарм Пелистер во минатото коло ги загуби шансите за пласман во следната фаза од Лигата на шампионите, но тоа не ги спречи фановите да ја исполнат салата.

Имено, битолскиот клуб потврди дека билетите за натпреварот против Пари Сен Жермен кој се игра в четврток од 20:45 часот се распродадени и салата ќе биде исполнета до последното место.

„Спремно е да започне уште една луда претстава…“, најави Пелистер.

Ќе потсетиме, ПСЖ од клупата е предводен од Раул Гонзалес, поранешниот тренер на Вардар кој со црвено-црните успеа да ја освои и Лигата на шампионите.