ЕУ сака повторно да ги седне на маса Курти и Вучиќ, вели Лајчак
Специјалниот пратеник на ЕУ во заминување за дијалогот меѓу Србија и Косово, Мирослав Лајчак, изјави дека состојбата на комуникацијата меѓу Белград и Приштина е во подобра состојба отколку во пролетта 2020 година, кога започна неговиот мандат како претставник на ЕУ, но дека нормализацијата на односите не напредувала.
Препорачано
Во проштално интервју за РТС вели дека ЕУ има намера да ги рестартира разговорите на лидерско ниво по изборите во Косово и посочува дека Унијата подготвува предлози за двете страни во процес што ќе го води шефот на европската дипломатија, Каја Калас, со помош на искусниот дански дипломат Петер Соренсен.
Како причина за неуспехот да се спроведе договорот од Брисел и Охрид, Лајчак ги наведува „огромната недоверба меѓу двете страни“, насилството во Звечан и „терористичкиот чин“ во Бањска во 2023 година, како и низата еднострани потези од Приштина на штета на српското население на Косово.
Лајчак признава дека во 2024 година дијалогот ја изгубил својата динамика и дека тоа не бил главен приоритет на лидерите во годината кога имало избори и во Европа и во Америка.
„Почнав да се занимавам со нормализацијата на односите меѓу Косово и Србија во април 2020 година. Во тоа време немаше дијалог, од 2018 година нема дијалог. Мојата прва задача е да го оживеам дијалогот и да го вратам во Брисел. Тоа успеавме да го направиме многу брзо, со првата средба на лидерите во јули истата година. Досега имавме 14 средби на ниво на лидери и 31 на ниво на главни преговарачи. 28 пати сум го посетил Белград и исто толку пати Приштина. Имавме и бројни средби со лидери како дел од меѓународни собири. Зад нас имаме конкретни резултати: решение за проблемот со исчезнатите лица, решение за енергетската состојба на северот на Косово, патување со лични карти. Најважниот резултат е т.н Охридскиот договор на патот кон нормализацијата, кој го постигнавме во февруари и март 2023 година, е патоказ за нормализација што е во интерес на сите. За жал, иако дијалогот е во многу подобра состојба отколку пред почетокот на мојот мандат, нормализирање не е“, вели европскиот дипломат.
