Милиони граѓани на Етиопија денеска учествуваат во амбициозна национална акција за садење 700 милиони дрвја за само 24 часа. Кампањата е дел од поширока иницијатива за заштита на природата и ублажување на последиците од климатските промени, чија цел е да се засадат вкупно 50 милијарди дрвја до 2026 година, пишува АП.

ECMA Digs In for a Greener Ethiopia! 🌱@CMAEthiopia rolled up its sleeves and joined millions across the country for the 7th Green Legacy Initiative, a bold national movement that aimed to plant 700 million trees in a single day!#greenlegacy2025 #700Mill pic.twitter.com/gzv75rZSaL

— Ethiopian Capital Markets Authority (@CMAEthiopia) July 31, 2025

Овој проект, познат како „Зелено наследство“, беше покренат од премиерот Абиј Ахмед во 2019 година. Според министерот за комуникации на Етиопија, Тесфахун Гобезаи, досега околу 14,9 милиони луѓе учествувале во акцијата и засадиле речиси 355 милиони садници само до утринава.

Иако информациите на владата не можат да се потврдат независно, агенцијата АП пренесува дека акцијата добила голема поддршка низ целата земја, чии жители бројат над 120 милиони. Од почетокот на иницијативата досега, властите тврдат дека се засадени околу 40 милијарди садници, а целта за 2025 година е вкупно 7,5 милијарди дрвја.

За да се овозможи масовно учество, денеска се затворени многу јавни институции, а илјадници државни службеници се распоредени низ земјата за да помогнат во акцијата.