Од АД ЕСМ велат дека се подготвени, откако ќе добијат дозвола од Град Скопје, да ги постави новите топловодни цевки на мостот „Беласица“. Тие велат дека опожарениот мост не е причина да се одложи почетокот на следната грејна сезона, која почнува во октомври 2023, и оти сите потрошувачи ќе имаат „сигурна и непрекината испорака на топлинска енергија“.

АД ЕСМ е подготвен, по добиена дозвола од Градот Скопје, да ги постави новите топловодни цевки на мостот „Беласица“ и ќе вложи максимални напори нивната монтажа да се заврши во најкраток можен рок – се вели во соопштението.

Од ЕСМ додаваат дека во изминатиот период целосно е завршено отстранувањето на опожарениот топловод на мостот „Беласица“ како и сите подготвителни активности за поставување на нови топловодни цевки кои се веќе пренеси на локацијата.