Есенската рамноденица на северната хемисфера оваа година се случува на 22 септември 2025 година во 20:19 часот по наше време и го означува влегувањето во сосема нова сезона. Потоа Сонцето се префрла во знакот Вага и ја носи темата за рамнотежа, хармонија и потрага по внатрешен мир.

Рамноденицата е моментот кога денот и ноќта траат подеднакво, а во астрологијата се толкува како важна пресвртница – времето кога затвораме едно поглавје и отвораме друго. Летните месеци беа наменети за акција и напредок, додека есенската рамноденица е време за интроспекција, гледање на плодовите од нашиот труд и одлучување што сакаме да задржиме, а од што да се откажеме.

Оваа година, покрај сето тоа, не помалку од пет планети се ретроградни – Плутон, Нептун, Сатурн, Уран и Јупитер. Ова значи дека ќе има колективно силно преиспитување на системите, односите и животните цели. Не е ни чудо што многумина веќе се чувствуваат емоционално и енергетски исцрпено.

Четири знаци ќе почувствуваат најмногу

Иако секој од нас го доживува овој премин на свој начин, кардиналните знаци ќе почувствуваат особено силно влијание: Вага, Овен, Јарец и Рак. Нивната енергија секогаш иницира нови сезони, па затоа е логично дека рамноденицата влијае на нив посилно.

Вага

Ова е вашата сезона! Рамноденицата ви носи моќ да блеснете и да се впуштите во нови животни проекти. Ќе бидете во фокус, но исто така ќе се соочите со предизвикот да ги балансирате вашите потреби и очекувањата на другите. Идеално време да поставите јасни граници и да се ослободите од она што повеќе не ви одговара.

Овен

Сонцето во Вага ја осветлува вашата куќа на партнерства, па затоа врските ќе бидат главна тема. Можеби ќе почувствувате тензија или несогласувања, но ќе добиете и можност да го подобрите односот преку искрен разговор и компромис. Ве очекуваат преговори на работа кои можат да донесат значаен пресврт.

Јарец

Вашата кариера и статус доаѓаат до израз. Рамноденицата ви ги отвора очите – дали сте задоволни од работата што ја работите и како другите ве гледаат? Можеби ќе одлучите да направите голема промена, или дури и сосема нова деловна насока. Енергијата на овој период ве потсетува дека работата не мора да биде целиот ваш идентитет.

Рак

За вас, ова е сезона на интроспекција и повлекување во вашата семејна средина. Ќе бидете поемотивни од вообичаено, а многу Ракови ќе сакаат да се оддалечат од бучавата и да поминат повеќе време дома. Рамноденицата е можност за поправка на односите со семејството и полнење на батериите.

За други знаци, ова време носи различни теми – некои ќе ги преиспитаат финансиите, други романтичните врски, трети кариерата и пријателствата – но она што сите го имаат заедничко е дека космосот нè потсетува на потребата од рамнотежа.

Есенската рамноденица не е причина за страв – напротив, тоа е момент да ги погледнеме нашите животи и да донесеме одлуки што нè водат кон стабилност, мир и поголема лична сила.