Кристијан Ериксен наредната недела ќе се врати во Милано каде го очекуваат нови лекарски прегледи по кои ќе биде јасно дали ќе може да ја продолжи кариерата и дали ќе може и понатаму да биде фудбалер на Интер.
Ериксен на првиот натпревар на данската репрезентација на Евро 2020 доживеа срцев удар за време на дуелот против Финска по што му беше вграден дефибрилатор кој ќе му ја регулира работата на срцето.

Во Италија е забрането лица кои имаат вградено дефибрилатор да продолжат да се занимаваат со спорт. Интер веќе донесе замена за Ериксен, Хакан Чалханохлу од градскиот ривал Милан.
– Голем респект кон Кристијан, како човек па потоа како фудбалер. За нас е апсолутно најважно целосно да се опорави, а дури потоа ќе размислуваме за спортскиот дел – изјави директорот на Интер, Бепе Марота.

Кристијан Ериксен наредната недела ќе пристигне во тренинг кампот на Интер и ќе разговара со новиот тренер Симоне Инзаги пред да ги започне деталните лекарски прегледи кои ќе покажат дали може да продолжи да живее без дефибрилатор.