Фудбалската јавност ја потресе веста дека поранешниот тренер на Манчестер јунајтед, Сер Алекс Фергусон нема да биде дел од „црвените ѓаволи“. Овој потег беше направен за да се намалат големите фудбалски трошоци.

За таа одлука имаше многу критики, па актуелниот тренер на Јунајтед Ерик Тен Хаг ја прокоментира оваа одлука на клубот во пресрет на натпреварот против Брентфорд во Премиер лигата.

– Секако, ваквата одлука ќе има влијание и врз нас. Сер Алекс е Манчестер јунајтед. Тој го изгради Јунајтед и не донесе таму каде што сме сега, тоа влијае на нас. Од друга страна, ние знаеме и сер Алекс знае, тоа е она што тој го сака. Тој сака да го види Манчестер јунајтед како победува и сигурен сум дека секогаш ќе биде достапен за совет. Дефинитивно ќе ни треба за краток временски период, како што беше во последните две и пол години откако сум овде. Едно е сигурно, нема клуб во светот каде што очекувањата се толку големи како во Манчестер јунајтед. Тоа е поставка од ерата на Сер Алекс и ние останатите кои дојдовме по него треба да се справиме со тоа – се зборовите на Тен Хаг.

Фергусон работеше како глобален амбасадор на тимот и заработуваше 2,16 милиони фунти годишно. Од таа позиција беше сменет од Џими Ретклиф, новиот косопственик на клубот од компанијата ИНЕОС.

– Во моментов не можеме да ги достигнеме стандардите што тој ги постави, но сепак освоивме трофеи. Запомнете, пред шест години клубот не освојуваше трофеи, па полека се враќаме. Се враќаме, но сè уште не сме сосема таму. Сакам да победувам на секој натпревар и секоја сезона да бидам успешен, со трофеи и титули. Ова се очекувањата кои Фергусон ги постави во овој клуб – вели Тен Хаг.