Тренерот на грчкиот кошаркарски клуб Панатинаикос, Ергин Атаман, во интервјуто за турскиот медиум „HT Spor“ го потврди еден од најголемите евролигашки трансфери ова лето.

Атаман откри дека Панатинаикос постигнал договор со македонскиот репрезентативец Ти Џеј Шортс, досегашниот плејмејкер на Париз од Франција.

– Досега во Панатинаикос, она што е јасно е дека го потпишавме Ти Џеј Шортс – најважниот играч на сезоната – рече Атаман.

Минатата сезона во Евролигата Шортс имаше просек од 19 поени и 7,3 асистенции по натпревар.

Пред да се пресели во Франција, настапуваше и за германските Телеком Бон, Креилсхеим Мерлинс и Хамбург тауерс, и летонскиот Вентспилс.