Словенечкиот кошаркар Лука Дончиќ само што пристигна во Лос Анџелес, но шпекулациите за негово заминување веќе се шират во американските спортски кругови.

Причината за ова лежи во договорот што словенечкиот кошаркар го потпиша со Далас Маверикс во пресрет на сезоната 2022/23, кој сега важи за Лејкерси по неодамнешниот трејд.

Договорот е на сила до крајот на сезоната 2026/27, но Дончиќ има опција да го раскине една година порано, што значи дека би можел да стане слободен играч веќе во летото 2026 година.

Според правилата на НБА, Лејкерси имаат рок до 2 август оваа година да му понудат продолжување на договорот по 2027 година, што се очекува да го направат.

Но, доколку Дончиќ ја одбие таа понуда, јасно би ставил до знаење дека планира да ја искористи ослободителната клаузула и да го напушти тимот за година и пол.

Ваквото сценарио би го ставило во тешка ситуација генералниот директор на Лејкерс, Роб Пелинка. Ако реши да почека, може да загуби еден од најдобрите играчи во лигата без никакод надомест. Затоа, логичен потег би бил трејд уште во летото 2025 година, кога Лејкерси сè уште можат да добијат вредност за возврат.

Аналитичарот на ЕСПН, Брајан Виндхорст верува дека овој исход е многу можен:

– Има голем притисок врз организацијата на Лејкерс да го убеди Лука да потпише продолжување на договорот од сега до 2 август. Оттука доаѓа најголемиот притисок бидејќи се чини дека нема мотивација да потпише за ЛА – вели Виндхорст.