Зејн Малик и Луис Томлинсон наводно ќе се обединат за документарец на Нетфликс, објави „Пејџ Сикс“. Членовите на „Уан дајрекшн“ се впуштаат во патување низ САД за проектот и се очекува да зборуваат за своите спомени од времето кога беа дел од момчешкиот бенд, како и за покојниот Лијам Пејн.

Наводно, снимањето веќе започнало, а премиерата на документарецот се очекува следната година. Малик и Томлинсон потпишаа мултимилионски договор со Нетфликс за овој проект.

„Ова ќе биде апсолутно масивен проект за Нетфликс и гарантирано ќе ги воодушеви многуте обожаватели на бендот. И веројатно ќе биде можност за сериозно размислување и длабоки разговори за неверојатното патување на кое групата веќе помина откако се собраа во „The X Factor“ пред 15 години“, рече изворот.

„Уан дајрекшн“, во кој членуваа Малик, Томлинсон, Пејн, Хари Стајлс и Најл Хоран, направија пауза во јануари 2016 година, само една година откако Малик си замина. Бендот последен пат повторно се собра за погребот на Пејн, кој трагично почина во октомври минатата година откако падна од третиот кат од неговата хотелска соба во Буенос Аирес, Аргентина.

Резултатите од токсиколошките тестови подоцна покажаа дека телото на 31-годишникот во кобниот момент содржело комбинација од дроги – кокаин, крек и бензодиазепин. Погребот се одржа во Обединетото Кралство на 20 ноември.

Малик, Стајлс, Томлинсон, Хоран и Пејн се запознаа во 2010 година кога судиите на „X Factor“, по нивните соло аудиции, ги составија во бенд подоцна наречен „One Direction“. Иако бендот заврши на третото место на крајот од шоуто, „One Direction“ стана светски познат бој бенд со милиони обожаватели.

Нивниот деби албум, „Up All Night“, беше најбрзо продаваниот деби албум во Велика Британија во 2011 година, рекорд што доведе до нивната прва турнеја. Групата освои неколку награди BRIT и MTV Video Music Awards, продадоа 50 милиони плочи низ целиот свет и собраа над три милијарди прегледи на Јутјуб.

Иако сè изгледаше дека оди одлично, голем пресврт се случи во 2015 година кога Зејн одлучи да го напушти бендот. Кратко потоа, другите членови почнаа да градат соло кариери. Стајлс постигна најголем успех, освојувајќи ја наградата Греми за албум на годината за својот албум „Harry’s House“ во 2023 година.