Актерот Џон Красински ја сподели урнебесната реакција на неговата сопруга Емили Блант откако магазинот „Пипл“ го прогласи за најсекси маж во светот за 2024 година. Актерот признал дека бил изненаден и збунет поради доделената титула, додека неговата сопруга Емили била воодушевена што тој е прогласен за најсекси маж, пишува „Дејли мејл“.

Како што раскажува Џон, 41-годишната актерка била толку „возбудена“ кога ја слушнала веста што дури му предложила да залепи тапети низ целата куќа со насловната страница на списанието „Пипл“ на која позира Џон.

„Многу се смееше кога ѝ ја соопштив веста. Тоа е она убаво нешто каде што кога си во брак со некого постојано учиш, се менуваш и се развиваш. И јас сум толку среќен што го поминав сето ова со неа“, рекол најсексапилниот маж во светот.

Актерот продолжи да се пошегува дека новата титула нема да му помогне во домот и дека може да го „чини уште повеќе домашни работи“.

„Ќе биде во стил: ‘Добрo, сега треба да ја заработиш и овде дома“, открил актерот кој со колешката е во брак 14 години и имаат две ќерки Хејзел (10) и Вајолет (8) .

Тој исто така не го крие изненадувањето дека ја освоил оваа ласкава титула.

„Никогаш не сум се разбудил и не сум помислил ‘дали е ова денот кога од мене ќе побараат да бидам најсекси маж во светот?’ Но, сепак тој ден осамна и јас го направив тоа. И навистина ми ја кренавте границата“, се пошегувал Красински, кој го симна од тронот претходниот победник од 2023 година, актерот Патрик Демпси (58).

ВИДЕО | Џон Красински е најсекси маж на светот во 2024 година

Емили Блант со урнебесна реакција откако нејзиниот сопруг Џон Красински беше прогласен за најсекси маж