Емили Блант ќе му се придружи на Килијан Марфи во „Oppenheimer“ на Кристофер Нолан
Иако сè уште не постои официјална потврда, Емили Блант е најверојатно последниот член што ќе се приклучи на актерската екипа на следниот филм на Кристофер Нолан, „Oppenheimer“. Овој биографски филм ќе ја раскаже приказната за животот на Џ. Роберт Опенхајмер, главниот американски научник зад проектот „Manhattan“ и создавањето на атомската бомба.
Препорачано
-
1
-
2
-
3
View this post on Instagram
Засега е познато дека главната улога му е доделена на Килијан Марфи, а доколку нештата продолжат да се одвиваат според планираното, Блант ќе ја толкува улогата на Кетрин Висеринг Опенхајмер, сопругата на научникот.
Филмот е адаптација на книгата „Американски Прометеј триумфот и трагедијата на Џ. Роберт Опенхајмер“ напишана од Каи Бирд и Мартин Џеј Шервин, за која добија Пулицерова награда. Но, земајќи предвид дека Нолан е познат по своите невообичаени наративни структури и пресврти, останува да видиме колку и како овојпат тој ќе си поигра со вистинската приказна за Опенхајмер.
„Oppenheimer “ ќе биде единаесеттиот игран филм на Нолан
Следувајќи по испреплетениот и церебрален „Tenet“, „Oppenheimer“ ќе биде единаесеттиот игран филм на Нолан чија премиера се очекува да се случи на 23 јули, 2023 година. Продукцијата на филмот ќе започне на почетокот на 2022, а ќе биде во дистрибуција на „Universal Pictures“.
Ова не е прва соработка на Марфи и Нолан. Двајцата работеа заедно на неколку филмови, вклучувајќи ги и „Batman Begins“, „Inception“ и „Dunkirk“, но ова би било прва соработка помеѓу Нолан и Блант. Минатата година, Блант и Марфи се појавија заедно во филмот „A Quiet Place“, што заработи над 190 милиони американски долари на меѓународно ниво.
View this post on Instagram
Покрај „A Quiet Place“ 1 и 2, разновидната филмографија на Блант ги вклучува и нејзините улоги во „Devil Wears Prada“, научно-фантастичниот „Edge of Tomorrow“, мјузиклите „Into the Woods“ и „Mary Poppins Returns“ и трилерите „Sicario“ и „The Girl on the Train“. Неодамна се појави во семејната авантура на „Disney“, „Jungle Cruise“.
View this post on Instagram
