Македонскиот кошаркарски тренер Емил Рајковиќ и официјално е промовиран како нов предводник на турскиот прволигаш Тофаш.

По кратка пауза по заминувањето од клупата на московска ЦСКА, Рајковиќ повторно се враќа во тренерски води, овојпат со нова етапа во својата кариера и за првпат ќе работи во турската кошарка.

Тофаш оваа сезона успеа да обезбеди пласман во плеј-офот на турската Суперлига, но не ја помина првата елиминациона рунда. Клубот сега се надева дека со искусниот Рајковиќ на клупата ќе направи исчекор напред.

Во својата досегашна интернационална кариера, Рајковиќ има значајно искуство како стратег на клубови од Казахстан, Полска и Русија. На домашен терен, своето име го изгради како тренер на Работнички, Фени Индустри и МЗТ Скопје, каде го започна својот тренерски пат.