Актерката Ема Вотсон секогаш настојувала својот приватен живот да го држи подалеку од очите на јавноста и во интервјуата повеќе говори за својата работа и ангажмани за подршка на еднаквоста помеѓу мажите и жените.

Ѕвездата од филмовите за Хари Потер, која во април полни 30 години, за британскиот магазин Вог проговори за притисокот и тешкотиите кои ги чувствувала поради фактот што се приближува кон 30-та, а нема постојан партнер, стабилна кариера, но ни дете.

„Секогаш се прашував зошто сите прават толкава збрка околу 30-от роденден, бидејќи тоа и не е така страшно… Потоа наполнив 29 и беше: Ох Боже, толку ми е тешко.“

„Секогаш чувствував тежина поради тие сублимални пораки. Ако не сте изградиле дом, сте се венчале и родиле дете или доколку до 30-та немате стабилна кариера, започнувате да се чувствувате тешко и под притисок, сметајќи дека тоа е нешто што е задолжително“, рекла таа.

Но, сега вели дека се откажала од тоа да на прашањата одговара дека е „сингл“.

„Долго време ми требаше да дојдам до сознанието дека сум среќна поради тоа што сум сама. Тоа би го нарекла врска со самата себе“, рекла за Вог.

Точниот термин кој го искористила е „self-partnered“ поради што стана хит на друштвените мрежи каде многу го споредија нејзиниот „љубовен“ статус со оној на нејзината колешка Гвинет Палтроу. Всушност, Гвинет во јавноста стана предмет на исмејување кога својот развод со фронтменот на бендот Coldplay (Крис Мартин), го опиша како „свесно разделување“, на што многумина сега ги потсети и „љубовниот“ статус на Ема.