Репрезентативецот на Македонија, Елиф Елмас и викендов не беше стартер во редовите на Лајпциг кој славеше победа од 2:1 против Хајденхајм.

Елмас во игра влезе во 79. минута кога на семафорот резултатот беше 1:1 и одигра околу 20-тина минути бидејќи натпреварот имаше долго судиско продолжени. Беше блиску македонскиот репрезентативец и до асистенција, но голот кој го постигна Лајпциг за 3:1 на кој тој беше асистент беше поништен поради офсајд.

Стрелци за Лајпциг беа Шешко во првиот дел и Опенда во завршницата. На табелата во Бундеслигата Лајпциг води голема битка со Борусија за четвртото место.

Во останатите натпревари Дармштад на гости го победи Келн со 0:2, Хофенхајм во натпревар со седум гола славеше над Менхенгалдбај 4:3, додека Волфсбург го доби Бохум со 1:0.