Eлиф Елмас зад себе има веќе 150 настапи во Серија А откако пристигна во Наполи во 2019 година од Фенербахче за сума од 16 милиони евра.

Македонската јавност Елмас го гледа како нов лидер по заминувањето на Горан Пандев, но самиот Елмас не се споредува со Пандев затоа што смета дека е далеку од успесите кои ги остварил Пандев во кариерата.

„Пандев беше многу успешен секаде каде што играше, освои буквално се и невозможно е да се споредуваме. Нормално дека сум почестен што навивачите ме гледаат како нов лидер, но мислам дека нема потреба за такво нешто. Во националниот тим имаме одлична група со многу важни фудбалери“, изјави Елмас за италијанските медиуми.

Сезонава Елмас не игра премногу во Наполи, а во медиумите се појави и вест за негов можен трансфер во Ливерпул како решение за проблемите кои Клоп ги има во средниот ред.