Основачката на „Теранос“, Елизабет Холмс, поднесе уште една жалба на нејзината затворска казна, со што успешно ја одложи затворската казна.

Елизабет Холмс беше осудена на 11 години и три месеци затвор за измама на инвеститорите во нејзиниот стартап за тестирање крв, кој некогаш беше проценет на 9 милијарди долари.

Судот сега одлучува по нејзината жалба, а доколку биде одбиена, Холмс ќе оди во затвор. „Би-Би-Си“ пишува дека сѐ уште не е познато кога судот ќе одлучи за ова.

На почетокот на овој месец таа побара од судот да остане на слобода со кауција. Судот одби, но нејзините адвокати поднесоа жалба на таа одлука и додека трае жалбата, таа може да биде пуштена со кауција.

Доколку судот ја отфрли и оваа жалба, Холмс би можела да ја отслужи казната во федералниот затвор во Брајан, Тексас, кој дозволува семејни посети.

Елизабет Холмс, најмладата милијардерка, беше поздравена од медиумите како една од успешните приказни на Силиконската долина, но следеа обвинувањата за измама, поради кои вредноста на „Теранос“, од која таа е главен основач, падна од девет милијарди долари до многу помал износ, по што Холмс поднесе оставка и му ја препушти директорската позиција на Дејвид Тејлор, поранешниот генерален советник на компанијата.

Од почетокот во 2003 година, кога ја основаше фармацевтската компанија „Теранос“, преку врвот во 2014 година, кога „Форбс“ ја прогласи за најмлада милијардерка, до последната есен, јавниот имиџ на Холмс претрпе трансформација од млада претприемачка надеж во подем во измамник која ги злоупотребува своите вработени. Од идејата што ја лансираше во ѕвездите, револуционерниот метод на вадење и анализа на крв, денес останаа само урнатини.

Подемот и падот на Елизабет Холмс, најмладата милијардерка во светот