Кошаркарите на Денвер нагетс се елиминирани од Оклахома во полуфиналето на Западната конференција во НБА лигата. Во финалето на Западот ќе играат Оклахома и Минесота, додека во финалето на Источната конференција ќе играат Индијана и Њујорк.

Без разлика кој од овие четири тима ќе го освои шампионскиот прстен, НБА ќе го има својот седми различен шампион во последните седум години, што е првпат ова да се случи во историјата на натпреварувањето.

Оваа низа започна во 2019 година со Торонто, по што следеа Лос Анџелес лејкерс во балонот од 2020 година, Милвоки во 2021 година и Голден стејт во 2022 година.

Нагетси предводени од српскиот центар Никола Јокиќ, освоија шампионски прстен во 2023 година, Бостон ги наследи на тронот минатата година, а оваа пролет ќе го добиеме седмиот различен шампион.

Ова ја надмина претходната серија, која се одвиваше помеѓу 1975 и 1980 година во која беа Голден стејт (1975), Бостон (1976), Портланд (1977), Вашингтон (1978), Сиетл (1979) и Лос Анџелес лејкерс (1980).