Слушачка промоција на албумот „Јоруклук“ на Елена Баклава (Елена Христова), на која ќе бидат презентирани и компакт-диск и винил издание, а премиерно ќе биде прикажан и видеозапис за песната која го отвора албумот, ќе се одржи на 1 јули, со почеток во 20:30 часот, во Бифе „Тафталиџе“.

Вокалната солистка Елена Христова, која е позната како фронтмен на групата „Баклава“, го промовира својот прв комплетно авторски албум наречен „Јоруклук“. Тој е инспириран од нејзините долгогодишни антрополошки истражувања на Јуруците од Македонија.

На промоцијата, Елена за првпат ќе ја раскаже приказната за создавањето на албумот, а влезот на промоцијата е слободен.