За време на вооружена пресметка на војската со криминална група во Еквадор во областа Амазон, единаесет војници се убиени, а еден е повреден соопшти Министерството за одбрана на земјата, пренесува Ројтерс.

Војниците биле нападнати за време на изведување операција против нелегалното рударство во областа Алто Пунино, соопшти министерството.

Заседата ја извршила вооружената група „Командос де ла Фронтера“, или „Гранична команда“, која употребила експлозиви, гранати и пушки за време на нападот, велат од министерството, повикувајќи се на воени разузнавачки информации.