Најмалку девет луѓе загинаа, а 29 се повредени во експлозија што се случи денес на јавен собир во југозападен Пакистан, соопшти полицијата.

Инцидентот се случил пред стадионот во Квета, главниот град на покраината Белуџистан, пренесува агенцијата „Анадолија“. Засега не е соопштена причината за експлозијата.

Митингот бил организиран од Националната партија на Белуџистан, предводена од поранешниот главен министер на покраината, Сардар Ахтар Ментал.

Според „Анадолија“, покраината Белуџистан, богата со минерали, вклучувајќи ја и Квета, долго време е жариште на насилство, каде што безбедносните сили се соочуваат со бунт.