Зборот стршен звучи исто толку страшно и опасно како што е и самиот инсект, поради што никој не го сака во својата или во близина на своето семејство. Тоа е сигурно. Затоа е важно да бидете добро информирани за да ги знаете сите причини и последици. И како да го избегнете најлошото – на пример, ако стршен ви влета во домот. Ова е полесно да се каже отколку да се направи за повеќето луѓе, но првата и најважна работа е да останете смирени и да не паничите. Ако е некаква утеха, експертите велат дека стршенот напаѓа само кога ќе се почувствува загрозен.

– Обидете се да бидете мирни, ако стршен ви влетал во собата, отворете го прозорецот и тој ќе излезе. Внимавајте, ако почнете да мавтате со рацете, тој тоа ќе го протолкува како напад врз него и ќе возврати – објасни во емисијата „150 минути“ Кристијан Овари, биолог од белградската зоолошка градина.

– Познавав една жртва, човекот го вклучил светлото во собата, а тоа го изнервирало стршенот и го убодел. Ако стршен ви влезе во домот, особено ноќе, исклучете го светлото… Добро би било да имате спреј за инсекти во домот, ако немате, може да помогне и дезодоранс. Не смеете да ги бркате со рацете, да мавате со маици и крпи, бидејќи тоа само дополнително ќе ги разбесни – рекол Арсение Хаџи Басур Змај, кој е ангажиран за отстранување на гнездата на стршените – пренесува Еспресо.рс.

– Ако забележите четири или пет стршени во близина на куќата, нема играње. Тоа значи дека гнездото е некаде во близина и мора да ги елиминирате што е можно поскоро. За прва помош, стршените можете да ги избркате со раствор од пиво и четири до пет лажици шеќер, но ова е само привремено решение. Додека не бидат целосно уништени, нема да имате мир – рече Змај во емисијата „Јутро“.