Игор Карачиќ беше еден од хероите на синоќешната победа на Хрватска против Франција во полуфиналето на Светското ракометно првенство (31:28).

Во последните моменти од играта, кога се кршеше резултатот, Карачиќ налета низ француската одбрана и од тешка ситуација погоди за плус четири.

Да потсетиме, Карачиќ не ни требаше да игра на овој шампионат.

Тренерот Дагур Сигурдсон го остави надвор од списокот, а го повика дури кога се повреди Домагој Дувњак.

Во меѓувреме, екс ракометарот на Вардар Карачиќ се повреди на Мундијалот, но и покрај тоа го одведе тимот до финалето и Осло.