Сега најголеми шанси да ја освои титулата во ЛШ ја има екипата на Барселона, додека на второто место се најде тимот на Кил, новиот противник на „црвено-црните“.

Денеска (19.00 часот) со натпреварот меѓу екипите на Кил и Вардар продолжува ракометната Лига на шампионите. До крајот на групната фаза остануваат уште четири кола за одигрување, а од ЕХФ направија нов ранкинг на ТОП-10 екипи.

Според овој ранкинг, за актуелниот шампион на Европа, Вардар, нема место во најдобрите десет екипи, односно според стручните лица во ЕХФ, македонскиот првак оваа сезона нема да стигне до четвртфиналето.

Сега најголеми шанси да ја освои титулата во ЛШ ја има екипата на Барселона, додека на второто место се најде тимот на Кил, новиот противник на „црвено-црните“.

На завршниот турнир би немало место ниту за екипата на Веспрем на Дејан Манасков, а останатите два учесници би биле екипите на Пик Сегед и ПСЖ.

ЕХФ ранкинг –

1.Барселона
2.Кил
3.Пик Сегед
4.ПСЖ
5.Веспрем
6.Кјелце
7.Порто
8.Монпеље
9.Динамо Букурешт
10.Бидасоа Ирун

Претходно МТВ најави дека нема да врши пренос од овој меч, туку истиот ќе оди на каналите на Арена Спорт.