Крцкави веге ќофтиња во поинаква верзија. Овој пролетен рецепт е одличен избор, бидејќи ќофтињата не се пржат на масло, туку се печат во рерна. Веруваме дека ова јадење често ќе се најде на вашето мени во иднина.

Состојки

200 гр брокула
120 гр изрендан кашкавал (чедар)
50 гр лебни трошки
3 чешниња млад кромид
2 јајца
2 чешниња лук
сол и бибер по желба
масло

Подготовка

Откако ќе ја подготвите брокулата на пареа, издробете ја со вилушка и измешајте ја со изматените јајца, лебни трошки, ренданиот кашкавал, ситно сечканиот лук и млад кромид. Во смесата ставете сол и бибер по желба. Од добиената смеса направете топчиња со приближно иста големина и израмнете ги. Ставете ги на тавче за печење и премачкајте ги со малку масло. Печете ги во загреана рерна на 200 степени околу 20 до 25 минути додека не добијат убава златно-кафеава боја и крцкава кора.

Добар аптетит!