Околу 8 милиони луѓе во Сирија, поточно речиси една третина од населението на земјата, биле под надзор на тајните безбедносни служби на долгогодишниот диктатор Башар ал-Асад пред неговиот пад од власт минатата година, соопшти сириското Министерство за внатрешни работи. Тие биле барани за „политички причини“. Портпаролот на сириското Министерство за внатрешни работи Нуредин ал Баба, вели дека повеќе од 8 милиони луѓе биле барани од страна на тајните служби од Ал Асад кој избега од државата во Русија во декември.

Баба на прес-конференција во Дамаск изјави дека „бројот на луѓе барани од поранешниот режим за политички причини надминува 8 милиони“.

-Зборуваме за една третина од сириската популација кои имале досие и биле барани од репресивните безбедносни служби на поранешниот режим, рече тој.