Сезоната на слави е во полн ек, а кралица на славските предјадења, кога славата е мрсна, секако е руската салата. Иако масовно се подготвува во нашите домаќинства, па постојат различни варијации на темата руска салата, постојат неколку трикови кои треба да ги имате на ум за да ја направите вашата руска салата вкусна. На пример, мешавина од замрзнат зеленчук – никако не е дозволена!

Јасно е дека животот е брз и секое штедење време е добредојдено, но замрзнатиот зеленчук не е адут за заштеда на време, бидејќи руската салата со него има блуткав вкус и едноставно не е тоа.

Кога сме кај зеленчукот, компирите за руска салата можеби изгледаат како нешто наједноставно за приготвување, но сега ќе ви објасниме зошто треба многу да внимавате на нив, а за ова совет дава една од најдобрите српски блогерки за храна, Маја Бабиќ. Еве што напиша Маја за компирот за руската салата во еден од најдобрите рецепти за ова омилена салата на интернет:

„Измерете и сварете 500 грама компири, а во самата салата употребете помалку. Изберете што е можно помали компири, со големина на јајце, бидејќи ќе можат да се сместат во сецко за варени јајца. Овој апарат може да биде корисен при сечкањето компири, моркови и, се разбира, јајцата, бидејќи дава изедначени коцки на релативно едноставен начин. Потребен ви е добар сецко.

Важно е и компирите да не се преварат, сосема доволно е 25 минути готвење, не повеќе. Времето се мери од почетокот на вриење на водата, а потоа водата треба само благо да врие. Компирите гответе ги во нивната лушпа. Во водата ставете многу сол, да речеме две лажички, за самите компири да не бидат благи внатре. Коцките компири ставете ги во салатата на самиот крај, кога сè останато ќе соедините и измешате, за да не се претвори компирот во пире. Коцките од сите други состојки не се толку склони кон губење на формата.

Кај компирите може да се случи да бидат лоши, во смисла да се распаднат толку многу при (правилно) готвење што едноставно е невозможно да се исечат на коцки. Такви компири едноставно не ставајте во руската салата, бидејќи тие ќе уништат сè. Сепак, за да не се фрли, може да се искористи за некое јадење од компири, на пример, пирошки“, советува Маја Бабиќ.