Поранешниот сопственик на Ф1 тим, Еди Џордан, го фалеше Макс Верстапен по победата на ГН на Сао Паоло, па во пофалбите изгледа се заборави, спооредувајќи го возачот на Ред Бул со возачки но и со фудбалски легенди.

Верстапен победи на трката откако стартуваше од 17. позиција на и ја мина целта речиси 20 секунди пред својот најблизок конкурент.

Сега Холанѓанецот е на прагот да ја освои четвртата светска титула, подвиг што може да го постигне во Лас Вегас подоцна овој месец.

Во текстот објавен во „Рејсингњуз“, Џордан го пофали возењето на Верстапен велејќи дека е поимпресивно дури и од способностите на двете големи легенди Шумахер и Сена.

– Во животот не сум видел подобар возач. Го имав Аиртон Сена во мојот болид, го имав и Михаел Шумахер во мојот болид и тие беа извонредни. Но, она што го видов и посведочив во Сао Паоло од Макс Верстапен беше нешто сосема над сите топ-листи во однос на брилијантноста – изјави Џордан.

Но тој не застана тука, туку направи и споредба со фудбалот, а способностите на Холанѓанецот ги спореди со оние на Диего Марадона или Лионел Меси?!

– Понекогаш го гледате Марадона, или го гледате Меси и си велите о Боже, како го направија тоа? Оваа ситуација во Сао Паоло со возењето на Макс Верстапен, тоа беше нешто што никогаш претходно не сум го видел. Никогаш не сум видел таков стил и таква целосна смиреност. Беше брилијантен – вели Џордан.

Comeback, complete ☑️ One week on, and we still can't stop talking about it ?#F1 || @Max33Verstappen pic.twitter.com/JqhLwLopSI

— Oracle Red Bull Racing (@redbullracing) November 11, 2024