На улицата „7-ми ноември“ во Охрид, денеска околу 13:00 часот се случи сообраќајна несреќа во која учествуваа мопед „априлија“ и патничко моторно возило „голф“, при што возачот на мопедот е лесно повреден.

Според присутните, до несреќата дошло откако возачот на „Голфот“ непрописно направил полукружно свртување на недозволено место, со што му го попречил патот на мопедот и дошло до директен судир на возилата.

Повредениот возач на мопедот е однесен во една од најблиските здравствени установи во Охрид на понатамошни проверки.

Засега ова се сите достапни информации со кои располага „Слободен печат“, се очекува соопштение од МВР со повеќе детали за несреќата.