Ѕвездата на „Чувари на плажата“ со мастектомија среде борбата со ракот: „Извадете го ова од мене“
Ѕвездата на култната серија „Чувари на плажата“, Никол Егерт (53), откри дека конечно ја имала долгоочекуваната мастектомија и реконструкција на дојка во борбата со рак на дојка во втора фаза.
Препорачано
-
1
-
2
-
3
Актерката на Инстаграм објави селфи од болница, со црн компресиски градник и кратка порака: „Во четврток имав мастектомија со реконструкција. Каков ви беше викендот?“
View this post on Instagram
Егерт првично ја сподели својата дијагноза во јануари годинава, објаснувајќи дека почувствувала силни болки во левата дојка и за само три месеци добила 11 килограми. Лекарите ѝ откриле дека станува збор за ретка форма.
„Имав панични моменти кога само мислев: ‘Извадете го ова од мене’. Секунда по секунда знаеш дека туморот е во тебе, дека расте и сè што сакаш е само да исчезне,“ изјави таа тогаш.
Во разговор за „Пипл“ на 27 август, Егерт призна дека чувството на „чекање“ било најтешко: „Кога примав третман, барем имав чувство дека правам нешто продуктивно. Сега, кога само чекам, е најфрустрирачки“.
Актерката останува отворена со јавноста за нејзината битка – претходно сподели и емотивно видео како ја бричи косата пред започнување на хемотерапија, во кое ѝ помогна нејзината 14-годишна ќерка, Киган.
