На 17 февруари во Пирот, Србија, се одржа првиот меѓународен турнир во џудо „Победникот на Пирот“ во организација на ЏК Ипон -010 од Пирот.

На овој турнир учество зедоа околу 360 натпреварувачи од седум држави и тоа: Србија, Црна Гора, Грција, Романија, Бугарија, Молдавија и Македонија.

Џудо клубот Сеишин-Прилеп зеде учество со пет натпреварувачи, а освоени се три бронзени медали:

– Марио Конески, трето место место
– Тамара Илиоска, трето место место
– Теодора Илиоска, трето место

Од клубот воедно информираат дека одлични борби прикажаа Владан Стрезоски и Ване Ацески кај помладите пионери, но не успеаја да изборат место на пиедесталот. Екипата ја водеа тренерите Мартин Ристески и Марио Тошески.

Ова беше прв меѓународен настап на членовите на „СЕИШИН“ за оваа година. Веќе од наредниот викенд започнуваат настапите и на државните првенства.