Џејкоб Вајли уште еднаш беше на нивото на задачата, максимално професионално ги одработи сите минути на теренот. Но на крајот, неговиот индивидуален, но и колективниот напор на македонската сениорска кошаркарска репрезентација, не донесе резултат на гостувањето во Орадеа.

Романија беше подобра од нас, победи по втор пат, скоро на идентичен начин како и пред 10 дена во Куманово.

– Сите во репрезентацијата работеа навистина напорно на подготовките и јас сум благодарен за времето што го поминав овде. Имаме млади кошаркари, екипа која е во создавање и горд сум на нашето издание против репрезентација како Романија која има искусни играчи и одличен селектор. Не се откажавме во ниеден момент, верувавме во победа и сите заслужуваат честитки за тоа – рече Вајли.

Нашето силно крило гледа доста позитивни моменти во играта на овој млад тим, кој е во фаза на создавање:

– Натпреварот заврши како што требаше, Романија заслужи да победи бидејќи ние направивме многу грешки. Не е оправдание, но како што кажав, нашите кошаркари се млади, уште учат и собираат искуство. Во споредба со претходниот натпревар, бевме многу подобри, тогаш загубивме со 40 разлика, а сега до крајот бевме во игра за победа. Се доближивме на еден посед и можевме да дојдеме до победата. За мене тоа е голем чекор напред – вели Вајли.

Последниот меч од претквалификациите за Светскиот куп 2027 во Катар избраниците на селекторот Марјан Илиевски ќе го играат на 20 август дома против Унгарија.

Трет натпревар и трет пораз: Кошаркарите ги загубија сите шанси за пласман на Светското првенство во 2026 година

Илиевски горд на кошаркарите и покрај поразот: Покажавме карактер против искусна репрезентација