Американскиот потпретседател Џеј-Ди Венс ги отфрли обвинувањата дека Израел врши геноцид во Газа, но изрази жалење што на некои луѓе во неговите редови им недостасува хуманост и не го гледаат моменталното страдање на Палестинците во разурнатата енклава од војната, објавија денеска израелските медиуми.

„Ги гледам тие видеа, тие слики и тие се срцепарателни“, рече Венс во подкастот на комичарот Тео Вон, кој тој го опиша како „ужасна“ снимка од Газа.

Американскиот потпретседател рече дека неговата земја се обидува да реши два проблема – од една страна се невините Палестинци, а од друга страна невините израелски заложници, кои, како што истакна, се вклучени во страшното насилство кое продолжува.