Премиерот Талат Џафери денеска се сретна со претседателот на Албанија, Бајрам Бегај, кој учествува на Парламентарно собрание на Процесот за соработка во Југоисточна Европа што се одржува во Собранието на Македонија.

– На средбата, премиерот Џафери му посака топло добредојде на претседателот Бегај, изразувајќи задоволство од континуираниот политички дијалог, како и развојот на билатералните односи меѓу двете држави, кои се карактеризираат со пријателски и братски однос кој е повеќе од само добрососедски однос. Единствено економската размена со Република Албанија не го рефлектира тој одличен однос и затоа соговорниците се согласија дека таа треба да биде приоритет и за актуелните влади на двете земји, и секако имајќи го предвид очекуваниот избор на новиот владин состав во земјава по одржаните парламентарни избори, и за идната Влада на Република Северна Македонија. Премиерот Џафери истакна дека е важно да се продолжи со реформи за исполнување на зацртаниот пат на двете земји, кои веќе се сојузници во НАТО, со надеж дека и процесот на евроинтеграции ќе се заокружи со успех, се вели во соопштението.

Бегај порачал дека е важно да се задржи и надгради уште повеќе тоа што е постигнато во Македонија, а што е во однос на однос на правата и обврските на заедниците

– Се согласи со констатациите на премиерот Џафери во однос на тоа дека евроинтеграциите се приоритет за просперитетот, стабилноста и безбедноста на регионот и на евроатлантската заедница во регионот, и дека е добро што и двете држави се на иста линија со Европската Унија што се однесува на надворешната и безбедносната политика на Унијата, додаваат од владиниот кабинет.

Соговорниците се согласиле дека ќе продолжат да ја интензивираат и збогатуваат заемната соработка во сите полиња од меѓусебен интерес и во полза на граѓаните на двете земји.