Двојна ракометна круна за Франција на Игрите во Токио
Женската ракометна репрезентација на Франција ја совлада Русија со 30:25 во големото финале на олимпискиот турнир и го повтори успехот на машките колеги кои вчера во финалето ја совладаа Данска.
Препорачано
-
1
-
2
-
3
Поранешната вардарка, Алисон Пино заедно со Паулета Флора со по седум гола беа најпрецизни кај новиот олимписки шампион, Клое Валентини даде три гола, додека кај Русија се истакаа Полина Ведекина со седум и Дарија Дмитриева со пет постигнати голови.
?? France are the 1st since 1984 to take double gold in the #Olympics #handball competitions ?
? Soviet Union in 1976
? Yugoslavia in 1984
? France in 2020The France women are also the 3rd team to complete the treble of Olympic, world & European titles ? #Tokyo2020 pic.twitter.com/T8auPiIj08
— International Handball Federation (@ihf_info) August 8, 2021
Новите шампионки послабо го започнаа натпреварот (1:3) но како одминуваше времето така ја подобрија играта во одбрана, ја запреа играта во транзиција на Русинките кои почнаа да грешат, по што дојдоа и лесните голови за Французинките.
Веќе на полувремето Франција имаше предност од два гола (15:13), а во вториот дел ги одби сите налети на сега веќе поранешниот олимписки шампион и на крајот дојде до убедлив триумф од 30:25.
Бронзениот медал го освои репрезентацијата на Норвешка која ја декласираше Шведска со 36:19 (19:7).
