Министерството за здравство соопшти дека во петокот две пациентки со цистична фиброза го примија лекот Трикафта, а утре уште двајца пациенти ќе ја добијат терапијата.

Тие во моментов се на Клиниката за детски болести и нивната состојба е стабилна. Во новата година, пациентите со цистична фиброза добиваат подобар квалитет на живот – велат од Министерството.

Минатиот месец на Клиниката за детски болести пристигна терапија за 12 пациенти со цистична фиброза. Министерот за здравство д-р Фатмир Меџити најави дека дополнително се предвидени 854 милиони денари за лекот, за 2024 и 2025 година, со што во следните две години пациентите со цистична фиброза се обезбедени со терапија.

Поранешната директорка на Клиниката за детски болести, д-р Стојка Нацева-Фуштиќ појасни дека е обезбедена терапија за 12 пациенти, а селектирано постепено ќе има вклучување на нови седум пациенти на секои десет дена.

Информира дека освен тие 12 пациенти кои се веќе на терпија има уште 55 лица и дека за сите тие ќе биде обезбедена терапија во текот на 2024 година.

Трикафта пристигна на детската клиника, обезбедена терапија за 12 пациенти