Полицијата во британскиот Стафордшир ги именувала двете деца кои починале вчера, откако биле пронајдени повредени во куќа во Стоук-он-Трент. Станува збор за 11-годишниот Итан Џон и неговата седумгодишна сестра Елизабет. Двајцата биле пронајдени со тешки повреди во куќа на улицата Лен, каде подоцна починале. Нивните училишта им оддале почит.

„Итан беше прекрасен член на нашата училишна заедница. Имаше беспрекорни манири и заразна насмевка. Ќе им недостасува многу на вработените и учениците и засекогаш ќе биде дел од нашите срца“, велат од училиштето на Итан.

Оддавајќи ѝ почит на Елизабет, нејзиното училиште соопшти: „Елизабет беше љубезна и грижлива како член на нашето училишно семејство. Таа беше пријателка на сите и сончев зрак кој секогаш имаше насмевка на нејзиното лице“.

49-годишна жена од Стоук-он-Трент е уапсена под сомнение за убиство.