Две деца вчера биле прегазени во скопското село Миладиновци од возило „мерцедес“ управувано од 21-годишно момче.

„Вчера околу 21.15 часот во СВР Скопје било пријавено дека на ул.„10“ во с.Миладиновци, скопско, патничко возило „мерцедес“ со скопски регистарски ознаки, управувано од Д.Ј.(21) од с.Миладиновци, удрило во двајца малолетници од истото село. Во несреќата со тешки телесни повреди се здобил 14-годишeн малолетник, а со телесни повреди се здобил 12-годишeн малолетник, констатирани во Комплексот клиники „Мајка Тереза“. Возилото било одземено, а увид извршила увидна екипа од СВР Скопје“, информираат од МВР.

Во координација со јавен обвинител, против Д.Ј. ќе биде поднесена соодветна пријава.