Властите во Москва денеска соопштија дека двајца полковници на руската армија загинале на фронтот во Украина.

„Полковниците Вјачеслав Макаров и Евгениј Бровко херојски загинаа во Украина“, рече на брифинг со новинарите портпаролот на руското Министерство за одбрана Игор Конашенков.

Борбите се интензивираа во последните денови, а Москва тврди дека одбила украински напад на 95-километарската линија на фронтот на истокот на земјата.

Руското Министерство за одбрана соопшти дека во текот на последниот ден, „непријателот направил масовен обид да ја пробие одбраната на руските војници, северно и јужно од Бахмут“, пренесува Бета.

– Сите напади беа одбиени, додаваат руските власти во соопштението.