Двајца Австријци се повредени во несреќа со мотоцикли во охридско, која се случила вчера, соопшти МВР.

„Вчера околу 12:20 часот во СВР Охрид било пријавено е дека на планински пат од селото Ливоишта кон селото Требеништа, охридско, дошло до самоповредување во кое австриски државјани А.Х. (50) управувајќи моторцикл „КТМ“ изгубил контрола над моторот и паднал на земјениот пат, додека пак В.Д.М. (54) исто така австриски државјани управувајќи моторцикл марка „хонда“ во обид да избегне судир со паднатиот моторциклист, закочил и излетал од планинскиот пат,“ пишува во полицискиот билтен.

„Во несреќата В.Д.М се здобил со тешки телесни повреди, а А.Х. со телесни повреди, констатирани во Специјалната болница „Св.Еразмо“ во Охрид. За настанот е известен надлежен јавен обвинител, а извршен е и увид од страна на екипа од СВР Охрид“, додаваат од полицијата.