Најмалку седум луѓе загинале, а десетици биле повредени откако два моста во Русија се урнаа ноќеска. Воз излета од шините откако се урна мост врз него во регионот Бријанск, при што загинале машиновозачот и уште шест луѓе. Во несреќата на возот кој патувал од Москва до Климово има и околу 70 повредени, јави „Анадолија“.

Локалните власти првично обвинија за „саботажа“ за несреќата, а рускиот канал „База“, кој често објавува информации од безбедносни и полициски извори, дека мостот во Брјанск, според првичните информации, бил разнесен од експлозија. Подоцна, се урнал и мост во регионот Курск, додека преку него минувал товарен воз.

Причина за уривањето на мостот во регионот Брјанск е експлозија, потврди утрово и гувернерот на регионот, Александар Богомаз.

На мостот на автопатот се случи експлозија додека се движеше возот во кој имаше 388 патници“, изјави Богомаз за медиумите.

Руската федерална агенција за патен транспорт објави дека урнатиот мост се наоѓал над железничката пруга низ која минувал возот. Снимките од местото на несреќата покажуваат како патничките вагони се исечени и расфрлани меѓу парчиња бетон.

A train has derailed while going over a bridge in Russia’s Bryansk region. pic.twitter.com/ys9YPKThwj

— Jay in Kyiv (@JayinKyiv) May 31, 2025