Во рамките на втората сезона на манифестацијата „Денови на македонска музика“ на 25 септември, во 20 часот, во Филхармонија концерт ќе одржи дувачкиот квинтет „Phil-Harmonic“.

Во составот на квинтетот се музичарите Елена Дојчинова – флејта, Владимир Лазаревски – обоа, Здравко Ангелов – кларинет, Горан Јанев – хорна и Ванчо Стојановски – фагот.

На програмата на концертот се делата „Четири епизоди“ од Драгослав Ортаков, „Црно сонце“ (според стихови на Ацо Шопов) од Валентина Велковска – Трајановска, „М..с..а“ од Стојан Стојков, Дувачки квинтет на македонски револуционерни песни од Љубормир Браноѓолица и „Хумореска“ од Александар Џамбазов.

Манифестацијата е во организација на Сојузот на композиторите на Македонија (СОКОМ), а влезот на концертот е слободен.