Како што информира новинарот Фабрицио Романо, Душан Влаховиќ на крајот од оваа сезона ќе го напушти Јувентус.

Договорот на српскиот напаѓач нема да биде продолжен со италијанскиот фудбалски клуб.

Влаховиќ постигна гол во победата на Јуве против Болоња (2:0) и тимот од Торино е на чекор од пласман во Лигата на шампионите.

Од претходно интерес за услугите на Србинот покажаа турските гиганти Галатасарај и Фенербахче, а се поврзува и со Арсенал и Атлетико Мадрид.

Влаховиќ од доаѓањето од Фиорентина за „Старата дама“ одигра 140 натпревари и запиша 55 голови и 14 асистенции.