Пред руската Дума в понеделник ќе биде претставен закон за конфискација на имотот на „непријателите на руската држава“ и „противниците на воената операција“ во Украина, најави претседателот на рускиот парламент Вјачеслав Володин.

– Неопходно е да се казнат злосторниците што ги валкаат нашата земја, војниците и офицерите што учествуваат во специјалната воена операција – напиша спикерот на Думата на Телеграм.

Новиот закон ќе дозволи „конфискација на средства, вредни предмети и друг имот што се користи или е наменет за финансирање криминални активности насочени против безбедноста на Руската Федерација“, објави Володин.