Нема кривично дело извршено од Бојан Јовановски. Пресудата е базирана и на компромис со политиката и е резултат и на личен анимозитет кон мене како адвокат, и кон мојот клиент Бојан Јовановски. Овој предмет е пример како без докази се носи пресуда. Ова го изјави Сашо Дуковски, адвокат на Бојан Јовановски по изречените пресуди за предметот „Меѓународен сојуз“.

– Стана опасна мода секое дело од т.н. стопански криминал обвинетиот да се гони и за перење пари, но треба да се докаже такво дело, да се соберат и изнесат докази. За што биле потрошени парите? Судијата вели за лични потреби на Јовановски. А каде се доказите? Всушност, за оваа пресуда нема ниту еден доказ. Не е случајно судот што надолго образложуваше, па уште и ја третираше интелектуалната способност на Јовановски. Излезе дека и бизнисмените и нивните компании се оштетени. Како тоа? И, најбитно, која е вината на Бојан Јовановски? Се разбира дека пресудата ќе ја обжалиме. Како што не е осудена Фросина Ременски, така и останатите обвинети требаше да бидат ослободени од вина – изјави Дуковски.

Апелација ја потврди пресудата за „Рекет“: 9 години затвор за Боки, 7 за Јанева