Демократската унија за интеграција (ДУИ) денеска соопшти дека официјално ги информирала претставниците на Европската унија, САД, Велика Британија и другите меѓународни партнери во земјата за, како што велат од партијата од Мала Речица, „длабоката загриженост за системското исклучување на Албанците од клучните државни институции“.

Во писмото до амбасадорите, ДУИ пишува дека за „албанските културни проекти“ се издвојуваат само 12 отсто од буџетот. Од партијата се жалат и на состојбата во одбраната и безбедносниот сектор, која ја нарекуваат „алармантна“.

ДУИ во писмото наведува и дека „меѓу 10-те директори на сектори во Министерството за одбрана нема ниту еден Албанец, како и ниту еден меѓу раководителите на 29 единици во рамките на министерството, а само еден Албанец е меѓу 12-те главни советници во министерството.

Опозициската партија соопштението го завршува со смелото тврдење дека „се нарушува мултиетничката структура на државата“, дополнето со суптилна

„Се загрозува мултиетничката структура на државата. ДУИ ги повикува Европската унија, Соединетите Американски Држави, Обединетото Кралство и останатите меѓународни партнери, кои одиграа клучна улога во развојот на инклузивните институции во Северна Македонија, да ги разгледаат овие загрижености пред оваа состојба да стане структурна и тешко поправлива“, велат од ДУИ.